Gurit Madiun-Surabaya

Ora krasa
Ora dak rumangsani
Sadawaning dalan iki
Wis ganep telung taun dak liwati
Wiwit semester siji
Nganti tekane dina iki
Wis akeh banget kahanan gilir gumanti
POM bensin iki
Masjid iki
Warung iki
Meneng-meneng wis dadi seksi
Lumakuning urip sing ora mesti
Amung sadherma nglampahi
Apa sing wis dadi pepestining Gusti
Donga lan puji
Amung siji
Bali mulih teka papan kene iki
Aku kudu bisa gawe bungahing ati
Wong tuwa kang tansah hamemuji
Supaya enggal tutug anggonku ngaelmu bumi
Kanggo sangu donya
Lan nganti tumekaning pati